ಲೋಕದರ್ಶನ ವರದಿ 

ದಾಂಡೇಲಿ 20 : ದಾಂಡೇಲಿ ಪೋಲಿಸ್ ಉಪ ವಿಭಾಗದಿಂದ ಅಂಬೇವಾಡಿಯ ಜಿ+2 ಮನೆಗಳ ಸಮುಚ್ಚಯದಲ್ಲಿ  ರಕ್ಷಾ ಕಾರ್ಯಕ್ರಮ ಆಯೋಜಿಸಲಾಯಿತು. ಈ ಕಾರ್ಯಕ್ರದಡಿ ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿಗಳ ನಿರ್ದೇಶನದ ಮೇರೆಗೆ ಲಾಕ್ಡ್‌ ಹೌಸ್ ಬೀಟ್ ಸಿಸ್ಟಮ್ ಎಂಬ ಕಾರ್ಯಕ್ರಮ ಏರಿ​‍್ಡಸಿ ಸಾರ್ವಜನಿಕರಿಗೆ ಇದರ ಉದ್ದೇಶವನ್ನು ತಿಳಿಸಿದ್ದು, ಮುಖ್ಯವಾಗಿ ಮನೆ ಕಳ್ಳತನ ತಡೆಗಟ್ಟುವದು ಮತ್ತು ಮನೆಗಳ ಸುರಕ್ಷತೆ ಕಾಪಾಡುವದಾಗಿದೆ.

ಈ ಹಿನ್ನೆಲೆಯಲ್ಲಿ ಸಿ.ಪಿ.ಐ ಶಿವಾನಂದ ಅಂಬಿಗೇರ ಮಾರ್ಗದರ್ಶನದಲ್ಲಿ ಪಿ.ಎಸ್‌.ಐ ಕಿರಣ ಪಾಟೀಲ್ ರಕ್ಷಾ ಕಾರ್ಯಕ್ರಮದಲ್ಲಿ ಸಾರ್ವಜನಿಕರು ಮನೆಯನ್ನು ಬಿಟ್ಟು  ಪರ ಊರಿಗೆ ಹೋಗುವಾಗ ಮನೆಯ ಸುರಕ್ಷತೆಯ ದೃಷ್ಟಿಯಿಂದ ಮಾಡಬೇಕಾದ ಕ್ರಮಗಳ ಕುರಿತು ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ಪೌರಾಯುಕ್ತ ವಿವೇಕ್ ಬನ್ನೆ, ಮಾಜಿ ನಗರಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಅಶೋಕ ಪಾಟೀಲ್ ಮತ್ತು ಸ್ಥಳೀಯ ನಾಗರಿಕರು ಉಪಸ್ಥಿತರಿದ್ದರು.