ಲೋಕದರ್ಶನ ವರದಿ 

ಧಾರವಾಡ  07: ಇಲ್ಲಿಯ ಕಮಲಾಪುರದ ಸರಕಾರಿ ಪ್ರೌಢಶಾಲೆಯ ಮಕ್ಕಳಿಂದ ಮತದಾರರ ಪಟ್ಟಿ ವಿಶೇಷ ಸಮಗ್ರ ಪರಿಷ್ಕರಣಿ ಕುರಿತು ಜಾಗೃತಿ ಜಾಥಾ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಶಾಲೆಯ ಮುಖ್ಯೋಪಾಧ್ಯಾಯರಾದ ರಮೇಶ ಯರಳಿ ಅವರು ಧ್ವಜ ತೋರಿಸುವ ಮೂಲಕ ಜಾಗೃತಿ ಜಾಥಾಕ್ಕೆ ಚಾಲನೆ ನೀಡಿ, ಪ್ರತಿಯೊಬ್ಬ ಜಾಗೃತ ಮತದಾರರು, ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಅಭಿಯಾನದಲ್ಲಿ ಪಾಲ್ಗೊಂಡು ಚುನಾವಣಾ ಆಯೋಗಕ್ಕೆ ಸಹಕರಿಸಬೇಕೆಂದು ಕರೆ ನೀಡಿದರು.

ಕಮಲಾಪುರ ಗ್ರಾಮದ ಕಮತಿ ಓಣಿ, ಕೋಟಿ ಓಣಿ, ಈಶ್ವರ ಗುಡಿ ಓಣಿ, ಬಾಳಗಿ ಓಣಿ ಹಾಗೂ ಪ್ರಮುಖ ಬೀದಿಗಳಲ್ಲಿ ಜಾಥಾ ಅಭಿಯಾನ ನಡೆಸಲಾಯಿತು. ಶಾಲೆಯ ಚುನಾವಣಾ ಕ್ಲಬ್ ನೋಡಲ್ ಅಧಿಕಾರಿ ಶಿವಾನಂದ ಭಾಗೋಡಿ, ಜೆಡ್‌. ಆಯ್‌. ಮುಲ್ಲಾ, ಆರ್‌.ಜಿ. ನಾಯಕ, ವಾರಿಜಾಕ್ಷೀ ಭಟ್, ಕೆ. ಎಸ್‌.ಪಾಟೀಲ, ಎಂ.ಎಫ್‌.ಅಂಕಲಗಿ, ಮಂಜುಳಾ ಬಡಿಗೇರ, ವರ್ಷಾ ಪವಾರ ಮುಂತಾದವರು ಪಾಲ್ಗೊಂಡಿದ್ದರು.