ಯಲಬುರ್ಗಾ, ಸೆ. 11: ಪಟ್ಟಣದ ವೀರಭದ್ರೇಶ್ವರ ದೇವಸ್ಥಾನದಲ್ಲಿ ಶ್ರಾವಣ ಮಾಸದ ನಿಮಿತ್ತ ಹಮ್ಮಿಕೊಂಡಿದ್ದ ರುದ್ರಾಭಿಷೇಕದ ಮುಕ್ತಾಯ ಹಾಗೂ ವೀರಭದ್ರೇಶ್ವರ ಜಯಂತ್ಯೋತ್ಸವ ಕಾರ್ಯಕ್ರಮ ಶುಕ್ರವಾರ ಭಕ್ತಿಭಾವದಿಂದ ನೆರವೇರಿತು.  

ಬೆಳಿಗ್ಗೆ ದೇವಸ್ಥಾನದಲ್ಲಿ ವೀರಭದ್ರೇಶ್ವರ ಮೂರ್ತಿಗೆ ವಿಶೇಷ ರುದ್ರಾಭಿಷೇಕ ನೆರವೇರಿಸಲಾಯಿತು. ವಿವಿಧ ಧಾರ್ಮಿಕ ವಿಧಿ-ವಿಧಾನಗಳೊಂದಿಗೆ ಪೂಜೆ ಸಲ್ಲಿಸಿದ ಭಕ್ತರು ದೇವರ ದರ್ಶನ ಪಡೆದು ಪ್ರಸಾದ ಸ್ವೀಕರಿಸಿದರು.  

ನಂತರ ದೇವಸ್ಥಾನದ ಸಭಾಂಗಣದಲ್ಲಿ ವೀರಭದ್ರೇಶ್ವರ ಜಯಂತ್ಯೋತ್ಸವ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದಲ್ಲಿ ದೇವಸ್ಥಾನ ಸಮಿತಿ ಅಧ್ಯಕ್ಷ ಸಂಗಣ್ಣ ಟೆಂಗಿನಕಾಯಿ ಮಾತನಾಡಿ, “ವೀರಭದ್ರೇಶ್ವರ ಅವತಾರ ಪುರುಷರಾಗಿದ್ದು, ಪವಾಡ ಪುರುಷರಾಗಿ ಭಕ್ತರ ನಂಬಿಕೆ ಹಾಗೂ ಆರಾಧನೆಗೆ ಪಾತ್ರರಾಗಿದ್ದಾರೆ” ಎಂದು ಹೇಳಿದರು.  

ಈ ಸಂದರ್ಭದಲ್ಲಿ ಶಿವಪ್ಪ ಶಾಸ್ತ್ರಿ, ಮುದಕಪ್ಪ ಸಜ್ಜನ, ಶಿವಕುಮಾರ ಸರಗಣಾಚಾರ, ವೀರಪಾಕ್ಷಯ್ಯ ಪರಯ್ಯನಮಠ, ಅಡಿವೆಪ್ಪ ಕಲ್ಯಾಣಮಠ, ಶರಣಯ್ಯ ಸಾಲಿಮಠ, ದೇವಪ್ಪ ಶಾಸ್ತ್ರಿ, ವಿಶ್ವನಾಥ ಯಲಬುರ್ಗಿ, ವಿಶ್ವನಾಥ ಗಂಗಾವತಿ, ವೀರೇಶ್ ಹಡಪದ, ವೀರಣ್ಣ ಹಡಗಲಿ, ಶರಣಪ್ಪ ಹಡಗಲಿ, ಅಂದಪ್ಪ ಬೇಳೇರಿ, ವೀರಭದ್ರ​‍್ಪ ಹಡಪದ, ಶರಣಪ್ಪ ಹಡಪದ ಸೇರಿದಂತೆ ವೀರಭದ್ರೇಶ್ವರ ದೇವಸ್ಥಾನ ಸಮಿತಿ ಸದಸ್ಯರು ಹಾಗೂ ಅಪಾರ ಸಂಖ್ಯೆಯ ಭಕ್ತರು ಉಪಸ್ಥಿತರಿದ್ದರು.