ಹಂಪಿ ಉತ್ಸವದಲ್ಲಿ ಸುಗಮ ಸಂಗೀತ

ಕೊಪ್ಪಳ 16: ಕರ್ನಾಟಕ ಸರಕಾರ, ವಿಜಯನಗರ ಜಿಲ್ಲಾಡಳಿತ ಮತ್ತು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಆಶ್ರಯದಲ್ಲಿ ನಡೆದ ಮೂರು ದಿನಗಳ ಅದ್ಧೂರಿ ಹಂಪಿ ಉತ್ಸವದಲ್ಲಿ ಇಲ್ಲಿನ ಬಾಲ ಪ್ರತಿಭೆ ಅಕ್ಷರ ಮಂಜುನಾಥ ಗೊಂಡಬಾಳ ಅವರು ಸುಗಮ ಸಂಗೀತ ಪ್ರಸ್ತುತಪಡಿಸಿದರು. 

ಹಂಪಿ ಉತ್ಸವದ ಪರ್ಯಾಯ ವೇದಿಕೆ ವಿರುಪಾಕ್ಷೇಶ್ವರ ವೇದಿಕೆಯಲ್ಲಿ ಅಕ್ಷರ ಗೊಂಡಬಾಳ ಅವರು ಸುಗಮ ಸಂಗೀತವನ್ನು ಪ್ರಸ್ತುತ ಪಡಿಸಿದ್ದು, "ಆವ ಕುಲವೋ ರಂಗಾ ಅರಿಯಲಾರೆನು" ಎಂಬ ಸುಮಧುರ ದಾಸರ ಪದಕ್ಕೆ ಜನ ಭೇಷ್ ಎಂದರು. ಶಿಕ್ಷಕ ಶ್ರೀಶೈಲ ಬಡಿಗೇರ ಹಾರ್ಮೋನಿಯಂ, ಹರ್ಷ ಮರೇಗೌಡ ತಬಲ ಮತ್ತು ತಾಳದಲ್ಲಿ ಮಂಜುನಾಥ ಜಿ. ಗೊಂಡಬಾಳ ಸಾಥಿ ನೀಡಿದರು. ಉತ್ಸವದ ಪರವಾಗಿ ವಿವಿದ ಇಲಾಖೆಯ ಅಧಿಕಾರಿಗಳು ನೆನಪಿನ ಕಾಣಿಕೆ ನೀಡಿ ಗೌರವಿಸಿದರು.