ವಿವಿಧ ಬೇಡಿಕೆ ಈಡೇರಿಸುವಂತೆ ಸರಕಾರಕ್ಕೆ ಒತ್ತಾಯಿಸಿ ಪ್ರತಿಭಟನೆ

ಲೋಕದರ್ಶನ ವರದಿ,

ಜಮಖಂಡಿ : 29: ರಾಷ್ಟ್ರೀಯ ಅಟೋ ರಿಕ್ಷಾ ಟ್ರಾನ್ಸ್ಪೋರ್ಟ ಫೇಡರೆಷನ್ ಸಹಯೋಗದಲ್ಲಿ ವಿವಿಧ ಅಟೋ ಚಾಲಕರ ಸಂಘಟನೆಯಿಂದ ವಿವಿಧ ಬೇಡಿಕೆಯನ್ನು ಈಡೇರಿಸಬೇಕೆಂದು ಸರಕಾರಕ್ಕೆ ಒತ್ತಾಯಿಸಿ ಪ್ರತಿಭಟನೆ ನಡೆಸಿದರು. 

ನಗರದ ಹಳೆ ತಹಶೀಲ್ದಾರ ಕಚೇರಿಯಿಂದ ಪ್ರಾರಂಭಗೊಂಡ ಅಟೋ ಚಾಲಕರ ಪ್ರತಿಭಟನೆಯು ಮಿನಿ ವಿಧಾನಸೌಧದವರೆಗೆ ಪಾದಯಾತ್ರೆಯ ಮೂಲಕ ತೆರಲಿ. ಗ್ರೇಡ್ 2 ತಹಶೀಲ್ದಾರ ಜೆ,ಸತೀಶ ಅವರ ಮೂಲಕ ರಾಜ್ಯ ಸರಕಾರಕ್ಕೆ ಮನವಿ ಸಲಿಸಿದರು. 

ಹುಬ್ಬಳಿಯ ಅಟೋ ಚಾಲಕರ ಸಂಘದ ಚಿದಾನಂದ ಸವದತ್ತಿ ಪ್ರತಿಭಟನೆಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ರಾಜ್ಯ ಸರಕಾರ ಶಕ್ತಿ ಯೋಜನೆಯನ್ನು ಜಾರಿಗೆ ತಂದ ನಂತರ ಎಲ್ಲ ಅಟೋ ಚಾಲಕರು ಉದ್ಯೋಗವಿಲ್ಲದೆ ಪರದಾಡುವ ಪರಿಸ್ಥಿತಿ ನಿಮರ್ಾಣವಾಗಿದೆ. ಮನೆಯ ಕುಟುಂಬ ನಿರ್ವಹಿಸುವದು, ಮಕ್ಕಳ ಶಾಲಾ-ಕಾಲೇಜಿನ ಶುಲ್ಕ ಕಟ್ಟಲು, ಆಸ್ಪತ್ರೆಯ ಖಚರ್ು ನಿಭಾಯಿಸುವದು ತುಂಬಾ ಕಷ್ಟರವಾಗಿದೆ. ಅಟೋಗಳ ಚಾಲಕರ ಕುಟುಂಬಗಳ ಜೀವನ ನಡೆಯುವದು ಮಹಿಳೆಯರು ಅಟೋದಲ್ಲಿ ಪ್ರಯಾಣ ಮಾಡಿದಾಗ ಮಾತ್ರ. ಅಟೋ ಚಾಲಕರಿಗೆ ಉದ್ಯೋಗವಾಗುತ್ತಿತ್ತು. ಆದರೆ ಶಕ್ತಿ ಯೋಜನೆ ಜಾರಿಗೆ ಬಂದ ನಂತರ ಎಲ್ಲ ಮಹಿಳೆಯರು ಉಚಿತ ಬಸ್ ಪ್ರಯಾಣ ಮಾಡುವದರಿಂದ ಅಟೋ ಚಾಲಕರಿಗೆ ತುಂಬಾ ನಷ್ಟವಾಗುತ್ತಿದೆ ಎಂದರು.

ತಾಲೂಕ, ಜಿಲ್ಲೆಯಲ್ಲಿ ಅಟೋ ಚಾಲಕರಿಗೆ ಪ್ರತ್ಯೇಕ ಅಟೋ ಕಾಲನಿ ನಿರ್ಮಿ ಸಬೇಕು, ಚಾಲಕರ ಚಾಲನಾ ಪತ್ರದ ಆಧಾರದ ಮೇಲೆ ರಾಷ್ಟ್ರೀಯ ಸ್ವಾಸ್ತಭೀಮಾ ಯೊಜನೆ ಅಡಿಯಲ್ಲಿ ಚಾಲಕನ ಪರಿವಾರಕ್ಕೆ ವರ್ಷಕ್ಕೆ 10 ಲಕ್ಷ ರೂ, ಉಚಿತ ಆರೋಗ್ಯ ಚಿಕಿತ್ಸೆ ನೀಡಬೇಕು, ಎಲ್ಕೆಜಿ ಯಿಂದ ಪದವೀಧರ ಶಿಕ್ಷಣ ಕಲಿಯುವ ಮಕ್ಕಳಿಗೆ ಉಚಿತ ಶಿಕ್ಷಣ ನೀಡಬೇಕು, ಅಪಘಾತದಲ್ಲಿ ಸಾವನ್ನಪ್ಪಿದರೆ 10 ಲಕ್ಷ ರೂ, ಪರಿಹಾರ ಮತ್ತು ಅಂಗವಿಕಲನಾದರೆ 5 ಲಕ್ಷ ರೂ,ಪರಿಹಾರ ನೀಡಬೇಕು, 60 ವರ್ಷ ವಯಸ್ಸಿನವರಿಗೆ 10 ಸಾವಿರ ರೂ, ಮಾಸಾಶಾನ ನೀಡಬೇಕು, ಬಸ್ ನಿಲ್ದಾಣ, ರೇಲ್ವೆ ಸ್ಟೇಶನ್, ವಿಮಾನ ನಿಲ್ದಾಣಗಳಲ್ಲಿ ಪ್ರತ್ಯೇಕ ಅಟೋ ಸ್ಟ್ಯಾಂಡ್ ನಿರ್ಮಿಸಬೇಕು, ವಿಮೆ ಮತ್ತು ಅಧಿಕ ತೆರಿಗೆ ಹೆಚ್ಚಳವನ್ನು ಕೈ ಬಿಡಬೇಕು, ಅಟೋ ಹೆದ್ದಾರಿ ಪರ್ಮಿಟ 16 ಕಿ,ಮೀ ಇದ್ದು. ಅದನ್ನು 100 ಕಿ,ಮೀವರಗೆ ವಿಸ್ತರಿಸಬೇಕೆಂದು ರಾಜ್ಯ ಸರಕಾರವನ್ನು ಒತ್ತಾಯಿಸಿದರು.

 ರಾಜ್ಯಾಧ್ಯಕ್ಷ ಗಜಾನನ ಕಾಫೆ, ತಾ,ಅಧ್ಯಕ್ಷ ಇಮಾಮ್ಮ ಹಿಪ್ಪರಗಿ, ನಗರದ ಅಧ್ಯಕ್ಷ ಅಂಜುನಾಥ ಹಾದಿಮನಿ, ಗ್ರಾ,ಅಧ್ಯಕ್ಷ ಶಿವಾನಂದ ಬಳೋಲಗಿಡದ, ರಾಜೇಸಾಬ ಅತ್ತಾರ, ಪ್ರವೀಣ ಜಳಕೆ, ಅರ್ಷದ ಪಠಾಣ, ಮಹಮ್ಮ ಹುಸೆನ ಡೆಂಗ್ರೆ, ಆನಂದ ಮೇತ್ರಿ, ಸಲೀಮ ಖಲಿಪಾ, ರವಿ ನಾಗನೂರ, ರಾಮಪ್ಪ ಹೆದ್ದಾರಿ, ಮಾದೇವ ಹೋಳೆಪ್ಪಗೋಳ, ದುರ್ಗಪ್ಪ ಸಾವಳಗಿ, ಮಾಳು ದುರ್ಗನ್ನವ್ವ್ರರ, ಅಸ್ಲಂ ನಧಾಪ, ಮೌಲಾ ಕಡ್ಲಿಮಟ್ಟಿ ಸೇರಿದಂತೆ ನೂರಾರು ಅಟೋ ಚಾಲಕರು ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದರು.