ಲೋಕದರ್ಶನ ವರದಿ 

ಕಾರವಾರ 10: ಪರ್ಯಾವರಣ ಗತಿ ವಿಧಿ ಸಂಘಟನೆ ಹಾಗೂ ಕೇಂದ್ರ ಹವಾಮಾನ ಬದಲಾವಣೆ ಇಲಾಖೆ ಸಹಯೋಗದಲ್ಲಿ ಕಾರವಾರದ ಬಾಲಮಂದಿರ ಪ್ರೌಢಶಾಲೆಯಲ್ಲಿ ಪ್ರಕೃತಿ ವಂದನಾ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಕಾರ್ಯಕ್ರಮವನ್ನು ಉದ್ಘಾಟಿಸಿದ ನ್ಯಾಯವಾದಿ   ಜಿ.ಎಸ್‌. ಹೆಗ್ಡೆ ಅವರು ಮಾತನಾಡಿ, “ಪ್ರಕೃತಿಯಿಲ್ಲದೆ ಜೀವನ ಅಸಾಧ್ಯ. ಪರಿಸರ ಸಂರಕ್ಷಣೆ ಹಾಗೂ ಪ್ರಕೃತಿಯ ರಕ್ಷಣೆ ನಮ್ಮೆಲ್ಲರ ಹೊಣೆಯಾಗಿದೆ” ಎಂದು ತಿಳಿಸಿದರು. ಪ್ರಕೃತಿಯ ಮಹತ್ವವನ್ನು ವಿದ್ಯಾರ್ಥಿಗಳಿಗೆ ವಿವರಿಸಿದ ಅವರು, ಇತ್ತೀಚೆಗೆ ಕೇರಳ ಹಾಗೂ ನೇಪಾಳದಲ್ಲಿ ಸಂಭವಿಸಿದ ಪ್ರಕೃತಿ ವಿಕೋಪಗಳ ಕುರಿತು ಮಕ್ಕಳಿಗೆ ಮನವರಿಕೆ ಮಾಡಿದರು.

ಅಲ್ಲದೆ, ‘ಪ್ಲಾಸ್ಟಿಕ್ ಹಟಾವೋ, ಪೇಡ ಲಗಾವೋ, ಪಾನಿ ಬಚಾವೋ’ ಎಂಬ ಘೋಷವಾಕ್ಯದ ಮೂಲಕ ಪರಿಸರ ಸಂರಕ್ಷಣೆಯ ಅಗತ್ಯವನ್ನು ತಿಳಿಸಿದರು. ನಿವೃತ್ತ ಶಿಕ್ಷಕರಾದ ಜಿ.ಎಂ. ಭಟ್ ಅವರು ವಿದ್ಯಾರ್ಥಿಗಳಿಗೆ ಪ್ರತಿಜ್ಞಾವಿಧಿ ಬೋಧಿಸಿದರು. ಬಾಲಮಂದಿರ ಪ್ರೌಢಶಾಲೆಯ ಮುಖ್ಯಾಧ್ಯಾಪಕಿ ಅಂಜಲಿ ಮಾನೆ ಅವರು ಸ್ವಾಗತಿಸಿದರು. ಕಾರ್ಯಕ್ರಮದಲ್ಲಿ ಸದಾನಂದ ಪಿ. ಹೆಗಡೆ, ಸಂಜಯ ಎನ್‌. ಭಟ್, ನಜಿರುದ್ಧಿನ್ ಸೈಯದ್, ಭಾರತಿ ಐಸಾಕ್ ಹಾಗೂ ಮಂಜುಳಾ ನಾಯ್ಕ ಸೇರಿದಂತೆ ಶಿಕ್ಷಕರು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕೇತರ ಸಿಬ್ಬಂದಿ ಉಪಸ್ಥಿತರಿದ್ದರು.  ಕಾಂಚನಾ ನಾಯ್ಕ ಅವರು ವಂದನಾರೆ​‍್ಣ ಸಲ್ಲಿಸಿದರು. ಸೀಮಾ ರೇವಣಕರ ಅವರು ಕಾರ್ಯಕ್ರಮ ನಿರೂಪಿಸಿದರು.