ಗ್ರಾಮ ದೇವತೆ ದೇವಸ್ಥಾನಕ್ಕೆ ಭೇಟಿ ನೀಡಿದ ಶಾಸಕ ಕಂದಕೂರ
ಗ್ರಾಮ ದೇವತೆ ದೇವಸ್ಥಾನಕ್ಕೆ ಭೇಟಿ ನೀಡಿದ ಶಾಸಕ ಕಂದಕೂರ
ಮುದ್ದೇಬಿಹಾಳ 05: ಗುರುಮಟ್ ಕಲ್ಲ್‌ ಶಾಸಕ ಶರಣಗೌಡ ಕಂದಕೂರ ಅವರು ಪಟ್ಟಣದ ಗ್ರಾಮ ದೇವತೆ ಸ್ಥಾನಕ್ಕೆ ಮಂಗಳವಾರ ಭೇಟಿ ನೀಡಿ ದೇವಿಯ ದರ್ಶನ ಹಾಗೂ ಆಶೀರ್ವಾದ ಪಡೆದರು.
ಈ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಕಳೆದ ಮೂರಾ‍್ನಲ್ಕು ವರ್ಷಗಳ ಹಿಂದೆ ಈ ಪಟ್ಟಣಕ್ಕೆ ಭೇಟಿ ನೀಡಿ ಶ್ರೀ ಗ್ರಾಮ ದೇವತೆ ಆಶೀರ್ವಾದ ಪಡೆದು ಹರಕೆ ಹೊತ್ತಿದ್ದೇ. ಆ ಪ್ರಕಾರ ಇಂದು ಇಲ್ಲಿಗೆ ಬರಬೇಕಾಯಿತು. ಮುದ್ದೇಬಿಹಾಳ ತಾಲೂಕಿನ ಪಟ್ಟಣದ ಬಹುತೇಕ ಜನರು ಸ್ನೇಹಿತರಿದ್ದಾರೆ. ಜತೆಗೆ ಶ್ರೀ ಗ್ರಾಮ ದೇವತೆಯ ಶಕ್ತಿ ತುಂಬಾ ಇದೇ. ಅಂದುಕೊಂಡಂತೆ ಈಡೇರಿಸುವ ದೇವತೆಯಾಗಿದ್ದಾಳೆ. ಹಾಗಾಗಿಯೇ ಇಲ್ಲಿನ ಪಟ್ಟಣದ ಎಲ್ಲ ಮುಖಂಡರು ಗಣ್ಯರು ಸೇರಿಕೊಂಡು ಜಾತ್ಯಾತೀತ, ಪಕ್ಷಾತೀತವಾಗಿ ಎಲ್ಲರೂ ಒಗ್ಗಟ್ಟಾಗಿ ಮೂರು ವರ್ಷಕ್ಕೊಮ್ಮೆ ಜರುಗುವ ಶ್ರೀ ಗ್ರಾಮ ದೇವತೆ ಜಾತ್ರಾ ಮಹೋತ್ಸವವನ್ನು ಅತ್ಯಂತ ಅದ್ದೂರಿ ಸಂಭ್ರಮದಿಂದ ಆಚರಿಸಿಕೊಂಡು ಬರುತ್ತಿರುವುದು ನಿಜಕ್ಕೂ ಶ್ಲಾಘನೀಯ. ಕಾರಣ ನಾನೂ ಕೂಡ ಈ ದೇವಿಯ ಭಕ್ತನಾಗಿದ್ದೇನೆ ಅದಕ್ಕೋಸ್ಕರ ನಾನಿಂದು ಇಲ್ಲಿಗೆ ಬಂದು ಶ್ರೀದೇವಿ ದರುಶನ ಪಡೆದು ಪುನೀತನಾಗಿದ್ದೇನೆ ಎಂದರು. ಜೊತೆಗೆ ಜಾತ್ರಾ ಕಮೀಟಿಯವರಿಗೆ 11 ಸಾವಿರ ನಗದು ದೇಣಿಗೆ ನೀಡಿದರು.
ಬಳಿಕ ಜಾತ್ರಾ ಕಮೀಟಿ ಸರ್ವ ಸದಸ್ಯರು ಹಾಗೂ ವಿವಿಧ ಸಂಘಟನೆಗಳ ಮುಖಂಡರುಗಳು ಗುರುಮಟ್ ಕಲ್ಲ್‌ ಶಾಸಕ ಶರಣಗೌಡ ಕಂದಕೂರ ಅವರಿಗೆ ಕಮೀಟಿ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು.
