ಇಂಡಿ 2: ಭಾರತೀಯ ಕಿಸಾನ್ ಸಂಘ ಇಂಡಿ ತಾಲ್ಲೂಕು ಘಟಕ ವತಿಯಿಂದ ನೂರಾರು ರೈತರು ಸೇರಿ ಇಂಡಿ ನಗರದ ಮಿನಿ ವಿಧಾನಸೌಧ ಮುಂಬಾಗದಲ್ಲಿ ವಿವಿಧ ಬೇಡಿಕೆಗಳಿಗೆ ಆಗ್ರಹಿಸಿ ಕೆಲ ಹೊತ್ತು ಧರಣಿ ಮಾಡಿ ಮನವಿ ಸಲ್ಲಿಸಿದರು. 

ಈ ಸಂದರ್ಭದಲ್ಲಿ ಮಾತನಾಡಿದ ಭಾರತೀಯ ಕಿಸಾನ್ ಸಂಘದ ರಾಜ್ಯ ಕಾರ್ಯಕಾರಣಿ ಸದಸ್ಯರಾದ ಗುರುನಾಥ್ ಬಗಲಿ ಮಾತನಾಡಿ ಮಾನ್ಯ ಜಿಲ್ಲಾಧಿಕಾರಿಗಳು ವಿಜಯಪೂರ ಆದೇಶ ಅನ್ವಯ ಸದರಿ ಇಂಡಿ ತಾಲ್ಲೂಕಿನ ನಾದ ಕೆ ಡಿ ಗ್ರಾಮದ ಸರ್ವೆ ನಂಬರ್ 139 ರಿಂದ 147ರ ತನಕ ಹಾಗೂ ಶಿರಶ್ಯಾಡ ಗ್ರಾಮದ ಹಾಗೂ ಅರ್ಜುಣಗಿ ( ಬಿಕೆ ್ಘ ಕೆಡಿ) ಗ್ರಾಮದಲ್ಲಿ ಪಹಣಿಗಳಲ್ಲಿ ಕಾಲಂ ನಂಬರ 11 ರಲ್ಲಿನ ಕರ್ನಾಟಕ ವಕ್ಘ್‌ ಬೋರ್ಡ್‌ ಹೆಸರು ತೆಗೆದು ಹಾಕಬೇಕು ಮತ್ತು ನಾದ (ಕೆ ಡಿ) ಗ್ರಾಮದ ಜಮಖಂಡಿ ಶುಗರ್ಸ್‌ ಲೀ ಘಟಕ 2 ಸಕ್ಕರೆ ಕಾರ್ಖಾನೆಯ ಚಿಮಣಿಯ ಹೋಗೆಯ ಜೊತೆಗೆ ಬೂದಿ ಹಾರುವುದರಿಂದ ನಾದ, ಅರ್ಜುಣಗಿ ಗ್ರಾಮದ ಎಲ್ಲ ಜಮಿನಗಳ ಬೆಳೆಗಳ ಮೇಲೆ ತೆರೆದ ಬಾವಿಯಲ್ಲಿ ಮನೆಗಳ ಮೇಲೆ ಬೂದಿ  ಬಿದ್ದು ಪರಿಸರ ಮಾಲಿನ್ಯವಾಗುತ್ತಿರುವುದರಿಂದ ಜನರ ಆರೋಗ್ಯದ ಮೇಲೆ ದುಷ್ಪರಿಣಾಮ ಉಂಟಾಗುತ್ತಿದ್ದು ಸದರಿ ವಿಷಯ ಹಲವಾರು ಸಲ ಸಂಬಂಧ ಪಟ್ಟ ಅಧಿಕಾರಿಗಳಿಗೆ ಅರ್ಜಿ ಸಲ್ಲಿಸಿದ್ದರು ಕೂಡಾ ಯಾವುದೇ ಪರಿಹಾರೋಪಾಯ ಕಂಡುಕೊಂಡಿಲ್ಲ. ಈ ಸಮಸ್ಯೆಗೆ ಸಂಬಂಧಪಟ್ಟ ಅಧಿಕಾರಿಗಳು ಕಾರ್ಖಾನೆಯ ಎಂ ಡಿ ಇವರಿಗೆ ಸೂಚನೆ ನೀಡಬೇಕೆಂದು ಆಗ್ರಹಿಸಿದರು.ಧರಣಿ ನಿರತ ರೈತರ ಬಳಿ ಬಂದ ಕಂದಾಯ ಇಲಾಖೆಯ ಅಧಿಕಾರಿಗಳು ರೈತರ ಮನವಿ ಸ್ವೀಕರಿಸಿದರು. 

 ಈ ಸಂದರ್ಭದಲ್ಲಿ ರೈತ ಮುಖಂಡರಾದ ಈರಣ್ಣ ಗೋಟ್ಯಾಳ ದತ್ತಾತ್ರೇಯ ಡೋಣಿ ಮಹಬೂಬಸಾಬ ಮುಲ್ಲಾ ಈರಣ್ಣ ಬಿರಾದಾರ ಚನ್ನಪ್ಪ ಮಿರಗಿ ಶರಣಪ್ಪ ತಾರಾಪೂರ ಚಂದಪ್ಪ ಮಿರಗಿ ಸೇರಿದಂತೆ ಅನೇಕ ರೈತರು ಉಪಸ್ಥಿತರಿದ್ದರು.