ಮುಂಡಗೋಡ 08: ಹಾವೇರಿ ಜಿಲ್ಲಾ ಸಾಹಿತ್ಯಾಸಕ್ತ ಅಭಿಮಾನಿಗಳ ಬಳಗದ ವತಿಯಿಂದ ಮುಂಡಗೋಡ ಪಟ್ಟಣದ ಪರೀವೀಕ್ಷಣ ಮಂದಿರದಲ್ಲಿ ಕರುನಾಡ ಕನ್ನಡ ಸಾಹಿತ್ಯ ಹಾಗೂ ಸಾಂಸ್ಕೃತಿಕ ಬಳಗದ ರಾಜ್ಯಾಧ್ಯಕ್ಷ ಎಸ್‌.ಡಿ. ಮುಡೆಣ್ಣವರಿಗೆ ಅಭಿನಂದನಾ ಸಮಾರಂಭ ನಡೆಯಿತು.  ಹಾವೇರಿಯಲ್ಲಿ ಯಶಸ್ವಿಯಾಗಿ ನಡೆದ ಎರಡನೇ ರಾಜ್ಯಮಟ್ಟದ ಕನ್ನಡ ಸಾಹಿತ್ಯ ಸಮ್ಮೇಳನವನ್ನು ಯಶಸ್ವಿಗೊಳಿಸಿದ ಹಿನ್ನೆಲೆ ಈ ಕಾರ್ಯಕ್ರಮ ಆಯೋಜಿಸಲಾಗಿತ್ತು.   ಕಾರ್ಯಕ್ರಮದಲ್ಲಿ ಮಾತನಾಡಿದ ಮಾಜಿ ಶಾಸಕ ವಿ.ಎಸ್‌. ಪಾಟೀಲ ಅವರು, ಹಾವೇರಿ ಸಾಹಿತ್ಯ ಸಮ್ಮೇಳನವು ಅತ್ಯಂತ ಅಚ್ಚುಕಟ್ಟಾಗಿ, ಕನ್ನಡದ ಸೊಗಡನ್ನು ಪ್ರತಿಬಿಂಬಿಸುವ ಮಾದರಿ ಸಮ್ಮೇಳನವಾಗಿ ಮೂಡಿಬಂದಿದ್ದು, ಸಾಹಿತ್ಯಾಸಕ್ತರ ಅಭೂತಪೂರ್ವ ಭಾಗವಹಿಸುವಿಕೆಯಿಂದ ಯಶಸ್ಸು ಕಂಡಿದೆ ಎಂದು ಶ್ಲಾಘಿಸಿದರು.   

ಮುಖ್ಯ ಅತಿಥಿ ಎಸ್‌. ಪಕ್ಕೀರ​‍್ಪ ಅವರು ಸಮ್ಮೇಳನದ ಮೆರವಣಿಗೆ, ವಿವಿಧ ಗೋಷ್ಠಿಗಳು ಹಾಗೂ ಸಂಘಟನೆಯ ಕಾರ್ಯವೈಖರಿಯನ್ನು ಪ್ರಶಂಸಿಸಿದರು. ಕ್ಷೇತ್ರ ಶಿಕ್ಷಣಾಧಿಕಾರಿ ಸುಮಾ ಜಿ. ಅವರು ಎಸ್‌.ಡಿ. ಮುಡೆಣ್ಣವರ ನೇತೃತ್ವದಲ್ಲಿ ನಡೆದ ಸಮ್ಮೇಳನದ ಯಶಸ್ಸಿಗೆ ಸಂತಸ ವ್ಯಕ್ತಪಡಿಸಿದರು.   ಸಮ್ಮೇಳನದ ಸರ್ವಾಧ್ಯಕ್ಷ ಜಿ.ಎಂ. ಓಂಕಾರಣ್ಣ ಅವರು, ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಸಂಘಟಿಸಿದ ಎಸ್‌.ಡಿ. ಮುಡೆಣ್ಣವರಿಗೆ ಅಭಿನಂದನೆ ಸಲ್ಲಿಸಿದರು.

ಸನ್ಮಾನ ಸ್ವೀಕರಿಸಿದ ಎಸ್‌.ಡಿ. ಮುಡೆಣ್ಣವರು, ಸಮ್ಮೇಳನ ಯಶಸ್ಸಿಗೆ ಸಹಕರಿಸಿದ ಸಾಹಿತ್ಯಾಸಕ್ತರು ಹಾಗೂ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಜಿಲ್ಲಾ ಶರಣ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಮಾರುತಿ ಶಿಡ್ಲಾಪುರ ಅವರು, ಕರುನಾಡ ಕನ್ನಡ ಸಾಹಿತ್ಯ ಹಾಗೂ ಸಾಂಸ್ಕೃತಿಕ ಬಳಗವು ಕನ್ನಡ ಸೇವೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದ್ದು, ಅದರ ಕಾರ್ಯಚಟುವಟಿಕೆಗಳು ಇನ್ನಷ್ಟು ವಿಸ್ತಾರವಾಗಲಿ ಎಂದು ಹಾರೈಸಿದರು.  

ಈ ಸಂದರ್ಭದಲ್ಲಿ ಎಸ್‌.ಡಿ. ಮುಡೆಣ್ಣವರ ಹಾಗೂ ಶ್ರೀಮತಿ ವೈಶಾಲಿ ಮುಡೆಣ್ಣವರ ದಂಪತಿಗಳನ್ನು ವಿವಿಧ ಸಂಘ-ಸಂಸ್ಥೆಗಳ ವತಿಯಿಂದ ಸನ್ಮಾನಿಸಿ ಅಭಿನಂದಿಸಲಾಯಿತು. ಈ ಸಂದರ್ಭದಲ್ಲಿ ಶ್ರೀ ಜಿ ಟಿ ಕಡೆಮನಿ, ಹುಲಗಪ್ಪ ಬೋವಿ ವಡ್ಡರ್, ಮಂಜುನಾಥ್ ಕಲಾಲ್,ಸುಭಾಷ್ ವಡ್ಡರ್ ವಾಸುದೇವ್ ಮಡ್ಲಿ, ಪಾಂಡುರಂಗ ಟಿಕ್ಕೋಜಿ, ರವಿ ಅಕ್ಕಿವಳ್ಳಿ, ಕೃಷ್ಣ ಗುಜಮಾಗಡಿ ಶ್ರೀಮತಿ ಸವಿತಾ ವರ್ಣೇಕರ್,  ಮಧುಮತಿ ಹಿರೇಮಠ,  ವಾಣಿಶ್ರೀ ನಾಗಮ್ಮನವರ, ನಟೇಶ್‌. ಬಿ.ಕೆ, ಶ್ರೀ ದುರ್ಗಪ್ಪ ಮುಡೇಣ್ಣವರ, ಶ್ರೀಮತಿ ಗಂಗಾ ಹೊಸಮನಿ, ಸ್ನೇಹ ಹಾಗೂ ಸಾನಿಯಾ ಪ್ರಣಮ್ಯಾ ಮುಂತಾದವರು ಹಾಜರಿದ್ದರು. ಕಾರ್ಯಕ್ರಮದಲ್ಲಿ ಸಿ ಎನ್ ಸುರ್ಕೋಡ್  ಪ್ರಾರ್ಥನೆ ಸಲ್ಲಿಸಿದರು. ರಮೇಶ್ ಪವಾರ್ ಸ್ವಾಗತ ಮಾಡಿದರು. ಬಾಲಚಂದ್ರ ಹೆಗಡೆ ನಿರೂಪಿಸಿದರು.