ಲಕ್ಷ್ಮೇಶ್ವರ 30: ಪಟ್ಟಣದ ಸರ್ಕಾರಿ ಮಾದರಿ ಪ್ರಾಥಮಿಕ ಕನ್ನಡ ಹೆಣ್ಣು ಮಕ್ಕಳ ಶಾಲೆಯಲ್ಲಿ ಭಗವಾನ್ ಮಹಾವೀರರ ಜಯಂತಿಯನ್ನು ಅವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವುದರೊಂದಿಗೆ ಆಚರಿಸಲಾಯಿತು. 

ಜಯಂತಿ ಆಚರಿಸಿ ಮಾತನಾಡಿದ ಶಾಲೆಯ ಪ್ರಧಾನ ಗುರುಗಳಾದ ಬಸವರಾಜ ಕುಂಬಾರ ಅವರು ಭಗವಾನ ಮಹಾವೀರರು ಜೈನ ಧರ್ಮದ 24ನೇ ಮತ್ತು ಕೊನೆಯ ತೀರ್ಥಂಕರರಾಗಿದ್ದು, ಅವರ ಸಾರಿಹೋದ ಸಂದೇಶಗಳು ಮಾನವಕುಲಕ್ಕೆ ಶಾಶ್ವತವಾಗಿವೆ ಶಾಂತಿ, ಪ್ರೀತಿ ಮತ್ತು ಆಧ್ಯಾತ್ಮಿಕ ಉನ್ನತಿಯ ಮಾರ್ಗವನ್ನು ತೋರುತ್ತವೆ.ಅಹಿಂಸಾ ಪರಮೋ ಧರ್ಮ ಮಹಾವೀರರ ಅತ್ಯಂತ ಪ್ರಮುಖ ಸಂದೇಶವಿದು. ಕೇವಲ ಮನುಷ್ಯರನ್ನಲ್ಲದೆ, ಪ್ರಾಣಿ-ಪಕ್ಷಿ, ಸೂಕ್ಷ್ಮ ಜೀವಿಗಳಿಗೂ ಹಾನಿ ಮಾಡಬಾರದು ಎಂಬ ಸತ್ಯ ಸಂದೇಶ ಸೇರಿದಂತೆ ಹಲವಾರು ಸಂದೇಶಗಳನ್ನು ಮಾನವ ಕುಲಕ್ಕೆ ಸಾರಿ ಹೋಗಿದ್ದಾರೆ ಅವುಗಳನ್ನು ಪ್ರತಿಯೊಬ್ಬರು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಅವರು ಹಾಕಿಕೊಟ್ಟ ಮಾರ್ಗದಲ್ಲಿ ಸಾಗೋಣ ಎಂದರು. 

ಈ ಸಮಯದಲ್ಲಿ ಸಿಆರಿ​‍್ಪ ಶ್ರೀನಿವಾಸ್ ಮತ್ತೂರು, ಶಿಕ್ಷಕರಾದ ಆರ್ ಎಂ ಶಿರಹಟ್ಟಿ, ಹೆಚ್ ಡಿ ನಿಂಗರೆಡ್ಡಿ, ಎಂ ಎ ಬಣಕಾರ, ಆರ್ ಕೆ ಉಪನಾಳ, ನೇತ್ರಾವತಿ ಕುಂಬಾರ ಸೇರಿದಂತೆ ಶಾಲೆಯ ವಿದ್ಯಾರ್ಥಿಗಳು ಇದ್ದರು