ಲೋಕದರ್ಶನ ವರದಿ 

ಹೂವಿನ ಹಡಗಲಿ 28: ಪಟ್ಟಣದ ಪ್ರತಿಷ್ಠಿತ ಎಸ್ ಎಂ ಎನ್ ಜ್ಯೂಯಿಲರ್ಸ್‌ ಮಾಲೀಕರು ಸಮಾಜ ಸುಧಾರಕರು ಎಸ್ ಎಂ ಎನ್ ಶಿವರಾಜ್ ರವರ ಜನ್ಮದಿನಾಚರಣೆಯನ್ನು ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಪಡೆದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಗೌರವ ಸನ್ಮಾನ ನೆರೆವೇರಿಸುವುದರೊಂದಿಗೆ ಆಚರಿಸಿಕೊಂಡರು. 

ಬೆಳಿಗ್ಗೆ ಜ್ಞಾನಗಂಗಾ ಪ್ರೌಢಶಾಲೆಯಲ್ಲಿ ಜ್ಞಾನ ಬೆಳಕು ಅಕಾಡೆಮಿ ಆಯೋಜಿಸಿರುವ ಬೇಸಿಗೆ ಶೈಕ್ಷಣಿಕ ಶಿಬಿರದಲ್ಲಿ ಪ್ರಾಥಮಿಕ ಹಾಗೂ ಪ್ರೌಢಶಾಲಾ ಮಕ್ಕಳಿಗೆ ನೋಟ್ ಪುಸ್ತಕ ಲೇಖನಿ ಉಡುಗೊರೆಯಾಗಿ ನೀಡಿದರು.ಪತ್ರಕರ್ತ ಗೋಣಿಸ್ವಾಮಿ ಮಾತನಾಡಿ ಎಸ್ ಎಂ ಎನ್ ಫೌಂಡೇಶನ್ ವತಿಯಿಂದ ಅನೇಕ ಜನಪರ ಸೇವೆ ಸಲ್ಲಿಸುತ್ತಿರುವ ಶಿವರಾಜ್ ರವರ ಕಾರ್ಯ ವೈಖರಿ ಶ್ಲಾಘಿಸಿದರು. ಆಡಂಬರ ಇಲ್ಲದ ಸರಳ ರೀತಿಯಲ್ಲಿ ಮಕ್ಕಳೆದುರು ಜನ್ಮ ದಿನಾಚರಣೆ ಆಚರಿಸುತ್ತಿರುವುದು ಸ್ತುತ್ಯಾರ್ಹ ಎಂದು ತಿಳಿಸಿದರು. ಸಂಜೆ ಪಟ್ಟಣದ ಗವಿಮಠದದಲ್ಲಿ 2025-26 ನೇ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಪಡೆದ ಪಟ್ಟಣದ ಆಯ್ದ ಪ್ರತಿಭಾವಂತ ಪ್ರೌಢಶಾಲಾ ವಿದ್ಯಾರ್ಥಿಗಳಿಗೆ ತಮ್ಮ ಟ್ರಸ್ಟ್‌ ವತಿಯಿಂದ ಗೌರವ ಸನ್ಮಾನ ನೆರೆವೇರಿಸಿದರು. ಗವಿಮಠದ ಡಾ ಹಿರಿಶಾಂತವೀರ ಮಹಾಸ್ವಾಮಿಗಳು ಎಸ್ ಎಂ ಎನ್ ಫೌಂಡೇಶನ್ ಜನಮುಖಿ ಕೆಲಸಗಳನ್ನು ನಿರಂತರವಾಗಿ ಮಾಡುತ್ತಿದ್ದಾರೆ. ಗ್ರಾಮೀಣ ಪ್ರದೇಶಗಳಲ್ಲಿ ಧಾರ್ಮಿಕ ಸೇವಾಕಾರ್ಯ ನಡೆಸುತ್ತಿರುವ ಕೆಲಸ ಅನುಕರಣೀಯ ಎಂದರು. 

ಮುಖಂಡರಾದ ಪುನೀತ್ ದೊಡ್ಡಮನಿ, ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳ ಪೋಷಕರು ಉಪಸ್ಥಿತರಿದ್ದರು.