ಲೋಕದರ್ಶನ ವರದಿ 

ಮಾಂಜರಿ 29: ಸುಸಂಸ್ಕೃತ ದೇಶವಾದ ಭಾರತವು ಸಂತರು ಮತ್ತು ಋಷಿಮುನಿಗಳ ಶ್ರೇಷ್ಠ ಪರಂಪರೆಯನ್ನು ಹೊಂದಿದೆ. ಸಂತರು ಮತ್ತು ಋಷಿಮುನಿಗಳ ಆಧ್ಯಾತ್ಮಿಕ ಪ್ರವಚನಗಳಿಂದಾಗಿ ಭಾರತೀಯ ಸಂಸ್ಕೃತಿಯನ್ನು ವಿಶ್ವದಲ್ಲೇ ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ವಿವಿಧ ದೇಶಗಳ ಸಂಸ್ಕೃತಿಗಳು ವಿಭಿನ್ನವಾಗಿದ್ದರೂ, ಭಾರತೀಯ ಸಂಸ್ಕೃತಿಯು ಅತ್ಯಂತ ಶ್ರೇಷ್ಠವಾಗಿದೆ. ಈ ಸಂಸ್ಕೃತಿಯನ್ನು ಸಂರಕ್ಷಿಸುವುದರ ಜೊತೆಗೆ, ಚಿಕ್ಕ ವಯಸ್ಸಿನಲ್ಲಿಯೇ ಯುವ ಪೀಳಿಗೆಯಲ್ಲಿ ಸರಿಯಾದ ಮೌಲ್ಯಗಳನ್ನು ತುಂಬುವುದು ಅಗತ್ಯವಾಗಿದೆ ಎಂದು ಬೆಂಗಳೂರು ಗೋಸಾವಿ  ಮಠದ ಮಠಾಧೀಶ ಮಂಜುನಾಥ ಭಾರತಿ ಸ್ವಾಮಿಗಳು ಪ್ರತಿಪಾದಿಸಿದರು. 

 ಅವರು ಇಂದು ಗ್ರಾಮದ ಸಿದ್ಧಗಿರಿ ಸೇವಾ ಸಂಸ್ಥಾನ ಮಠದ ವತಿಯಿಂದ ನಡೆದ ಮಕ್ಕಳ ಸಂಸ್ಕಾರ ಶಿಬಿರದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು. ಅಂಕಲಿಯ ಶ್ರೀಮಂತ ಮಹಾದದಾಜಿರಾಜೆ ಶಿತೋಳೆ ಸರ್ಕಾರ ಅಧ್ಯಕ್ಷ ತೆ ವಹಿಸಿದ್ದು, ಮುಖ್ಯ ಅತಿಥಿಗಳಾಗಿ ಪಿಕೆಪಿಎಸ್  ಅಧ್ಯಕ್ಷರಾದ ಮೋಹನ  ಲೋಕರೆ, ಶಾಂತಿ ಸಾಗರ ಶಿಕ್ಷಣ ಪ್ರಸಾರ ಮಂಡಳದ ಅಧ್ಯಕ್ಷರಾದ  ಸನತ್‌ಕುಮಾರ ಪಾಟೀಲ, ಮಾಜಿ ಜಿ ಪ ಸದಸ್ಯರಾದ  ಪಾಂಡುರಂಗ ಮಾನೆ, ಸುಮಿತ್ರಾ ಉಗಲೆ, ಶ್ರೀಪಾದ ಗಿರಿ ಸ್ವಾಮಿ ಉಪಸ್ಥಿತರಿದ್ದರು. 

 ನಮ್ಮ ದೇಶದಲ್ಲಿ ಹಲವು ಧರ್ಮಗಳಿವೆ. ಎಲ್ಲಾ ಧರ್ಮಗಳ ಸಂಸ್ಕೃತಿ ಒಂದೇ. ರಾಜಕೀಯವಿಲ್ಲದೆ ಧರ್ಮ ಮಾಡಿದರೆ ಯಶಸ್ಸು ಖಚಿತ. ನಮ್ಮ ಮರಾಠ  ಸಮಾಜವು ಛಿದ್ರವಾಗಿದೆ ಮತ್ತು ಅದನ್ನು ಸಂಘಟಿಸಬೇಕಾಗಿದೆ. ಕರ್ನಾಟಕ ಸರ್ಕಾರ ಸ್ಥಾಪಿಸಿದ ಸ್ವತಂತ್ರ ಮರಾಠಾ ನಿಗಮ ಮಹಾಮಂಡಲವು ವಿವಿಧ ಯೋಜನೆಗಳನ್ನು ಜಾರಿಗೆ ತರುತ್ತಿದೆ ಈ ಯೋಜನೆಗಳ ಲಾಭ ಪಡೆಯುವ ಮೂಲಕ ಮರಾಠಾ ಸಮುದಾಯವು ಆರ್ಥಿಕವಾಗಿ, ಸಾಮಾಜಿಕವಾಗಿ ಮತ್ತು ಸಾಂಸ್ಕೃತಿಕವಾಗಿ ಸಬಲರಾಗಬೇಕೆಂದು ಅವರು ಮನವಿ ಮಾಡಿದರು. ಅಂಕಲಿಯ ಶ್ರೀಮಂತ ಮಹಾದದಾಜಿರಾಜೆ ಶಿತೋಳೆ, ಸನತ್‌ಕುಮಾರ ಪಾಟೀಲ,  ಶ್ರೀಪಾದಗಿರಿ ಮಹಾರಾಜರು ಕೂಡ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ಈ 3 ದಿನಗಳ ಬಾಲ ಸಂಸ್ಕಾರ ಶಿಬಿರಕ್ಕೆ ಧನ ಸಹಾಯ ಹಾಗೂ ಅನ್ನದಾನ ನೀಡಿದ ನಾಗರಿಕರನ್ನು ಸಿದ್ಧಗಿರಿ ಸಂಸ್ಥಾನ ಮಠದ ವತಿಯಿಂದ ಸನ್ಮಾನಿಸಲಾಯಿತು. 

ಕಾರ್ಯಕ್ರಮದಲ್ಲಿ ಮಹಾರಾಷ್ಟ್ರದ ದತ್ತ   ಸಹಕಾರಿ ಸಕ್ಕರೆ ಕಾರ್ಖಾನೆಯ ನಿರ್ದೇಶಕ ಅಮರ ಯಾದವ್, ಅಶೋಕ ಕಳವಿರೆ, ರಾಮಚಂದ್ರ ಭೋಸಲೆ, ವಿಶ್ವಾಸ ರಸಾಳೆ, ವೀರಸಿಂಗ್ ಘೋರೆ​‍್ಡ, ಅಶೋಕ ಹವಳೆ, ಅರ್ಜುನ್ ವಾಡಕರ, ಸುರೇಶ ರೆಂದಾಳೆ, ಪೋಪಟ್ ಲಾಮಕಾಣೆ, ಡಾ.ಜೆ.ಬಿ.ಮಾನೆ, ಡಾ.ವಿಜಯ ಉಪಾದ್ಯೆ, ಹಾಗೂ ಇನ್ನುಳಿದ ನಾಗರಿಕರು ಮತ್ತು ಗ್ರಾಮಸ್ಥರು ಹಾಜರಿದ್ದರು ಸತೀಶ್ ದಾಭೋಳೆ ಸ್ವಾಗತಿಸಿ ನಿರೂಪಿಸಿ ವಂದಿಸಿದರು