ಬೆಳಗಾವಿ 13:  ಖೋತ್ ಟೇಕ್ವಾಂಡೋದಲ್ಲಿ ಬ್ಲಾಕ್ ಬೆಲ್ಟ್‌  ಮುಡಿಗೇರಿಸಿಕೊಂಡಿರುವ ಬಾಲಕಿ ಸೌಮ್ಯ ಅವರಿಗೆ ಬೆಳಗಾವಿಯ ಸುರೇಶ ಯಾದವ ಫೌಂಡೇಶನ್ ದಿಂದ  ಸನ್ಮಾನಿಸಿ, ಶುಭಾಶಯ ಕೋರಲಾಯಿತು. 

ಬಾಲಕಿ ಸೌಮ್ಯ ಅವರು ಕಳೆದ 11 ವರ್ಷಗಳಿಂದ ಟೇಕ್ವಾಂಡೋ ಅಭ್ಯಾಸ ಮಾಡುತ್ತಿದ್ದು,  ಇಲ್ಲಿಯವರೆಗೆ, ಅವರು ಜಿಲ್ಲಾ ಮಟ್ಟದಲ್ಲಿ 7 ಚಿನ್ನದ ಪದಕಗಳು, 3 ಬೆಳ್ಳಿ ಪದಕಗಳು,ರಾಜ್ಯ ಮಟ್ಟದಲ್ಲಿ 13 ಚಿನ್ನದ ಪದಕಗಳು, 5 ಬೆಳ್ಳಿ ಪದಕಗಳು ಮತ್ತು 3 ಕಂಚಿನ ಪದಕಗಳನ್ನು ಗೆದ್ದು ಜಿಲ್ಲೆಯ ಕೀರ್ತಿ ಹೆಚ್ಚಿಸಿದ್ದಾರೆ., ಬಾಲಕಿ ಮುಕ್ತ ರಾಷ್ಟ್ರೀಯ ಸ್ಪರ್ಧೆಗಳಲ್ಲಿ 4 ಚಿನ್ನದ ಪದಕಗಳನ್ನು ಮುಡಿಗೇರಿಸಿಕೊಂಡಿರುವ ಹಿನ್ನೆಲೆಯಲ್ಲಿ ನ್ಯಾಯವಾದಿ  ಮತ್ತು ಮಾನವ ಹಕ್ಕುಗಳ ಅಧ್ಯಕ್ಷೆ ಸುಷ್ಮಾ ಬೇಂದ್ರೆ ಅವರು ಪ್ರಮಾಣಪತ್ರ ಮತ್ತು ಬೆಲ್ಟ್‌ ನೀಡಿ ಸನ್ಮಾನಿಸಿದರು. 

ನ್ಯಾಯವಾದಿ ಸುಷ್ಮಾ ಬೇಂದ್ರೆ ಅವರು ಮಾತನಾಡಿ, ಇಂದಿನ ಒತ್ತಡದ ಜೀವನದಲ್ಲಿ, ಹುಡುಗಿಯರು ಮತ್ತು ಮಹಿಳೆಯರು ಸ್ವತಂತ್ರವಾಗಿ ಬದುಕುವುದು ಕಷ್ಟಕರವಾಗಿದೆ ಎಂದು ಹೇಳಿದರು. ಪೋಷಕರು ಇವರ್ ಗಂಭೀರತೆಯನ್ನು ಅರ್ಥಮಾಡಿಕೊಳ್ಳಬೇಕು ಮತ್ತು ತಮ್ಮ ಮಕ್ಕಳಿಗೆ ಸರಿಯಾಗಿ ಮಾರ್ಗದರ್ಶನ ನೀಡಬೇಕು. ಅಲ್ಲದೆ, ಟೇಕ್ವಾಂಡೋ, ಲಾಠಿ- ದಂಡಪಟ್ಟದಲ್ಲಿ ತರಬೇತಿ ನೀಡಬೇಕು.  

ನಿಪ್ಪಾಣಿ ಪ್ರದೇಶದ ಸದ್ಗುರು ಟೇಕ್ವಾಂಡೋ ಅಕಾಡೆಮಿಯು ಆತ್ಮರಕ್ಷಣೆಯ ಜೊತೆಗೆ ದೇವರು, ದೇಶ, ಧರ್ಮ, ಸಂಸ್ಕೃತಿ ಮತ್ತು ಸಾಮಾಜಿಕ ಜಾಗೃತಿಯನ್ನು ಹೊಂದಿರುವ ಏಕೈಕ ಸಂಸ್ಥೆಯಾಗಿರುವುದು ಹೆಮ್ಮೆಯ ವಿಷಯ ಎಂದು ಗುಣಗಾಣ ಮಾಡಿದರು.ಈ ಸಂದರ್ಭದಲ್ಲಿ, ಸದ್ಗುರು ಟೇಕ್ವಾಂಡೋ ಅಕಾಡೆಮಿಯ ಮುಖ್ಯ ಬೋಧಕ ಬಬನ್ ನಿರ್ಮಲೆ, ಸಹ-ಪರೀಕ್ಷಕ ದೇವರಾಜ್ ಮಲ್ಹಾಡೆ, ಪ್ರಥಮೇಶ್ ಭೋಸಲೆ ಉಪಸ್ಥಿತರಿದ್ದರು.