ಬೆಳಗಾವಿ : ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮ ಹೆರಾಯಿನ್ ಮಾದಕವನ್ನು‌ ಮಾರಾಟ ಮಾಡುತ್ತಿದ್ದ ತಂಡದ ಮೇಲೆ ದಾಳಿ ಮಾಡಿರುವ ಬೆಳಗಾವಿ ನಗರ ಸಿಸಿಬಿ ಪೊಲೀಸರು ಮೂವರನ್ನು ಬಂಧಿಸಿದ್ದು, ಬಂಧಿತರಿಂದ ಹೆರಾಯಿನ್ ಸೇರಿ 10,31 ಲಕ್ಷ ಮೌಲ್ಯದ ವಸ್ತುಗಳನ್ನು ವಶಕ್ಕೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

 ಈ ಪ್ರಕರಣದಲ್ಲಿ ನಿಖಿಲ್ ನಾರಾಯಣ ಬಳ್ಳಾರಿ (24) (ಸಾ: ರೈಲ್ವೆ ಕ್ವಾಟ್ರಸ್ ಬೆಳಗಾವಿ), ಕಪೀಲ ಗಜಾನನ ಹೊಸುರಕರ(18) (ಸಾ ಮುಜಾವರ ಗಲ್ಲಿ, ಬೆಳಗಾವಿ), ಆಕಾಶ ಆನಂದ ಸಾಳುಂಕೆ(34) (ಸಾ: ಮುಜಾವರ ಗಲ್ಲಿ, ಬೆಳಗಾವಿ), ಇವರುಗಳು ಬಂಧಿತ ಆರೋಪಿಸಿದರಾಗಿದ್ದಾರೆ. 

 ಇವರೆಲ್ಲರು ಬೆಳಗಾವಿಯ ತಾಂಗಡಿ ಗಲ್ಲಿ ಮಹಾದೇವ ಮಂದಿರ ಹಿಂದೆ ಸಾರ್ವಜನಿಕ ಸ್ಥಳದಲ್ಲಿ ಹೆರಾಯಿನ್ ಎಂಬ ಮಾದಕ ವಸ್ತುವನ್ನು ಮಾರಾಟ ಮಾಡುತ್ತಿದ್ದಾಗ ಸಿಸಿಬಿ ಪಿಐ ಮಂಜುನಾಥ ನಾಯಕ ಇವರ ಮಾರ್ಗದರ್ಶನದಲ್ಲಿ ಮಂಜುನಾಥ ಭಜಂತ್ರಿ ಪಿಎಸ್‌ಐ ಸಿಸಿಟಿ ವಿಭಾಗ ಹಾಗೂ ಸಿಬ್ಬಂದಿಯವರು ದಾಳಿ ಮಾಡಿದ್ದಾರೆ.

       ಆರೋಪಿತರಿಂದ 9,50,000 ಮೌಲ್ಯದ 47.29 ಗ್ರಾಂ ಹೆರಾಯಿನ್ (466 ಸಣ್ಣ ಚೀಟಿಗಳು),70,000 ಮೌಲ್ಯದ  ಅವೆನ್ಯು ಸುಝುಕಿ ಸ್ಕೂಟರ್ ಒಂದು,10,800 ಮೌಲ್ಯದ 3 ಮೋಬೈಲ್‌ಗಳು, ಹಾಗೂ ನಗದು ಹಣ ರೂ. 300 ಹೀಗೆ ಆರೋಪಿತರಿಂದ ಒಟ್ಟು  10,31,100 ಮೌಲ್ಯದ ವಸ್ತುಗಳನ್ನು ಜಪ್ತಪಡಿಸಿಕೊಳ್ಳಲಾಗಿದೆ.

     ಬಳಿಕ ಆರೋಪಿತರನ್ನು ವಿಚಾರಣೆಗೆ ಒಳಪಡಿಸಿದಾಗ ಹೆರಾಯಿನ್ ಮಾದಕ ವಸ್ತುವನ್ನು ಸಾಯಿನ್ ಕೋಳವಾಡಾ ಮುಂಬಯಿ ಮಹಾರಾಷ್ಟ್ರ ಇವಳ ಕಡೆಯಿಂದ ತಂದಿರುವುದಾಗಿ ತಿಳಿಸಿದ್ದಾರೆ.

    ಮೂರು ಜನ ಆರೋಪಿತರ ವಿರುದ್ಧ ಖಡೇಬಜಾರ ಪೊಲೀಸ್ ಠಾಣೆ ಪ್ರ ಸಂ.61/2026 ಕಲಂ, 210) ಎನ್‌.ಡಿ.ಪಿ.ಎಸ್ ಕಾಯ್ದೆ-1963 ಅಡಿಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಮುಂದುವರೆಸಲಾಗಿದೆ.

     ಸಿಸಿಬಿ ತಂಡದ ಈ ಕಾರ್ಯವನ್ನು ಬೆಳಗಾವಿ ನಗರ ಪೊಲೀಸ ಆಯುಕ್ತರು ಹಾಗೂ ಡಿಸಿಪಿಗಳು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.